Содан ол жатса да, тұрса да: «Немерем болса екен!» - деп армандапты. Шал армандағаннан еш нәрсе шықпайтынын түсініп, жан-жаққа жарнама беріпті. Жарнама бойынша көп елден хат келіпті. Солардың бірі Африкадан болса, екіншісі мұхиттың арғы бетіндегі Америка Құрама Штаттарынан жіберіліпті. Қария ойланбастан Америкадан келген хатқа жауап жа- зыпты. Өйткені хат жазған болашақ немересі шалдың бала күнінен армандап жүрген әлемдегі ең үлкен «Макдональдс» Диснейі орналасқан Калифорния штатында тұрады екен. «Мүмкін, болашақ немерем мені сонда алып барар» деп ой- лапты қарт. Көп уақыт өтпей-ақ, мұхиттың арғы бетіндегі болашақ немересі Алматыға жетіпті. Қария оны: «Немерем», - деп қабылдап, екеуі күн сайын серуендейтін болыпты. «Медеу» мұзайдынына, «Шымбұлақ» спорт кешеніне барыпты. Олар- дың Алматыда араламаған жері қалмапты. Оның үстіне шал бар тапқанын немересінің аузына тосыпты. Бір күні шал немересі көңілді отырған сәтінде: - Енді біз Калифорнияға қашан барамыз? – деп сұрапты. Сонда немересі: Бізге Американың керегі қанша? Бұл жерде Калифор- Ниядағыдай «не ішем, не киемін» деп ойланбайсың. «Шетел» деп елден безгенде қандай ұшпаққа шығамыз*? Сондықтан жылы орнымызды суытпай, осында жүре берейік, - депті. Жәнібек Қоймай • Мәтіндегі негізгі ойды анықта. • Мәтіннің мазмұны бойынша бір-біріңе сұрақ қойыңдар. • Мәтін мазмұны бойынша шешім табуға бағытталған сұрақтар құрастырып, оларға жауап бер. Құрастырған сұрақтарың мен жауап- тарыңды кестеге түсір.​