5. Өлеңді оқы.
Дүйсенбіде –
басы ауырып жатты,
Сейсенбіде
іші ауырды қатты.
Сәрсенбіде
аяғы ақсады.
Бейсенбіде
азу тісі қақсады.
Жұма күні
жөтел қысып,
Сенбі күні
тобығы тайыпты...
Ал жексенбіде
құлан-таза айықты.
Сонда оның сырқатын
қалай атау лайықты?
Марат Нұрқалиев
• Өлеңде қандай бала суреттелген деп ойлайсың?
• Ол неліктен жексенбі күні ауырып калмады? Ойыңды бөліс.
• Өзің жексенбі күнді қалай өткізесің?
• Өлең кейіпкері туралы өз пікіріңді айт.
• Өлеңдегі қарамен жазылған сөздерге назар аудар. Олардың
айтылуы мен жазылуын салыстыр.​