5-тапсырма
Өлеңді оқыңдар. Сұрақтарға жауап беріңдер.
Не үшін?
Қадыр Мырзалиев
— Екі көзің не үшін керек?
— Жақсылықты көру үшін!
— Екі қолың не үшін керек?
— Елге көмек беру үшін!
— Құлақ деген не үшін керек?
— Ақыл-кеңес тыңдау үшін!
— Жүрек деген не үшін керек?
– Барлығын да сүю үшін!
— Тіл мен жағың не үшін керек?
— Ақиқатты айту үшін!
— Ал аяғың?...
— Шетте жүрсем,
Туған жерге қайту үшін!

• Өлеңдегі сұрақтарға өзің қалай жауап берер едің?

• Адам жанының сұлулығы неде деп ойлайсыңдар?​