Еліміздің бас басылымы – «Egemen Qazaqstan» ұйымдастырған «Ата­ме­кен» экспедициясы Нұр-Сұлтан қаласынан бас­тау алып, жер жан­на­ты Көкшетауда жалғасын тапты. Экспе­ди­цияға қатысушыларды облыс орталығының зия­­лы қауымы қарсы алып, шашу шашып, құр­мет көрсетті. Сапар­лар­ына оң болсын айтып, игі бастамаларына тілектестік білдірді

Облыстық әкімдікте өткі­зілген жүз­десу барысында облыс әкімінің орынбасары Айна Мысырәлімова ақжарма тілегін білдірді. Аяулы атамекеннің қат­пар-қатпар тылсым тарихын індете іздеп, жалпақ жұртқа жарқырата көрсетіп, рухани нәр берумен бірге, Тәуелсіздіктің 30 жылдығымен тұспа-тұс келіп отырған бағалы бастаманың жер жаннаты Көкше баурайынан бас­тау алуын жақсы ырым­ға санады. Өз сөзінде елімі­здің рухани жаңғыруына байла­нысты атқарылып жатқан қыруар шаруаға тоқталды. Биыл­ғы жылдың алғашқы жарты­жыл­