Найдите максат бышыктооч.



Орозо тутуу ар бир мусулман адам үчүн эн бир ыйык парз болгон. Анын негизги максаты - соопчулук, ыйманды тазартуу, адамгерчиликке, эрктүүлүккө тарбиялоо, кудай алдында кетирген күнөөнү жууш. Ошондуктан, орозо жаман адаттардан сактоо, денени чындоо, оору- сыркоодон айыгышка багышталган. Орозонун отузунчу куну бүтүп, ай жанырганда айтка даярдык көрүлөт. Үйлер акталып, короо-жайлар тазаланат. Ар бир адам айт күнүндө кийиш үчүн сыйлуу кийимдерин даярдашат. Эртен айт деген күнү ар бир үй-бүлө боорсок бышырып, даамдуу тамактарды камдашат. Бул күндү эл ай башы дешкен. Ошол куну ага-туугандар, коңшу-колондор бири-бирин чакырышып, тамак ичишет. Союлуучу малга бата кылышат. Ай башы күнү арбактарга арналып куран окулат. Эртеси күндүн мурду көтөрүлгөнчө эркектер таза, сыйлуу кийимдерин кийишип, даарат алышып, эркек балдарын ээрчитип, мечитке барышат, анан денге чогулушат. Кыбыланы карап намаз окулат. Орозо айтты майрамдоо үч күнгө созулат. Орозо айт соопчулук менен ыймандуулук айты. Ал Алла таала өкүм кылган отуз кундук орозонун ийгиликтүү өткөндүгүнө багышталып, шандуу майрамдалат.​