АЙТЫЛЫМ
7-тапсырма. Сұхбат негізінде белгілі альпинист Мақсұт Жұмаевқа мінез-
деме бер.
Тілші: Сіз жиырмадан асқанда портер (альпинистердің жүгін тасушы)
едіңіз. Енді, міне, Гималай шыңын бағындырған, әлемге танымал альпи-
нист болдыңыз. Мұның сыры неде?
Альпинист: Мен тауды алғаш Алматыға келгенде көрдім. Сегіз мың метрлік
шыңға көтерілу мен үшін үлкен мүмкіндік еді.
Тілші: Шыңға қалай шықтыңыз?
Альпинист: Үш америкалықпен бірге тауға өрмеледім, қайта-қайта
артта қала бердім. Өйткені дайындығым, тәжірибем аз еді. Сол кезде әкем
есіме түсті. Биікке ұмтылудағы ерік-жігер әкемнен берілген болар.
Тілші: Альпинист болу қатерлі ме?
Альпинист: Альпинизм — спорттың ең қатерлі түрі. Біз тәуекелдің не екенін
түсінеміз...
Тілші: Ұлы даланың қазағы тауға неге сонша қызыққан?
Альпинист: Қазақ таудың алыптығын түсінген.
Тау адамды биік мақсатқа жетелейді.
​