АҚШ неге дауылдан көз ашпайды? Африкада құрғақшылық неге күшейді? Адам мен табиғат арасындағы байланыс неге ажырады?

Риторикалық сөйлемдерде күшті дауыс екпіні сұрау есімдіктеріне түспей, бүкіл сөйлемге жайылады. Риторикалық сұраулы сөйлемдердің интонациясы сұраулы сөйлемнің айтылуынан бөлек.

Сұраулы сөйлемнің өзіне тән интонациясы болады: бас жағы көтеріңкі айтылып, соңғы жағы бәсеңдемей, көтеріңкі қалыппен аяқталады; Сұраулы сөйлемнен соң сұрау белгісі қойылады.

Альтернативтік сұрақты білдіретін сұраулы сөйлемдердің интонациясы ашық сұрақ формалы сөйлемдер интонациясынан өзгеше, өйткені мұндай сөйлемде көтеріңкі дауыс екпіні сұрау есімдігі мен сұраулық шылаудың екеуіне бірдей түседі.

Интонация сөйлем мүшелеріне қатысты көрініс тауып, ішкі элементтерге сай құбылып отырады. Сөйлемнің мағыналық, құрылымдық ерекшелігін білдіреді.