Мәтінді 2 рет оқып, төмендегі тапсырмаларды орындаңыз.
Көгөніс
Көгөніс жылдың қай мезгілінде болса да, дүкендерде тұрады. Себебі олар денсаулыққа өте пайдалы. Біз күн сайын таңертең, түскі, кешкі аста көгөніс жейміз. Әсіресе менің інім қиярды өте жақсы көреді. Көгөніс түрлері: сәбіз, орамжапырақ, бұрыш, саңырауқұлақ, қызанақ, қияр және т.б. Көгөніс адам ағзасына өте пайдалы. Көгөністі көп пайдаланатын адамның денсаулығы жақсы болады, ұзақ өмір сүреді. Көгөністің калориясы аз. Олар дәруменге бай. Жеңіл қорытылады. Көгөніс – дастарқанның сәні. Көгөністі жуып, тазалап жеу керек. Тазаланбаған көгөніс денсаулыққа зиян.
№ Сұрақ Жауап
1 Көгөністің адам денсаулығына пайдасы бар ма?
2 Көгөніс неге бай?

2-тапсырма
Мәтінді мұқият оқыңыз. Мәтіндегі азат жолдар бойынша шағын жоспар құрыңыз.
Денсаулық — табиғаттың ең қымбат сыйы. Күнделікті жұмыста жүргенде, деніміз сау болғанда, денсаулықтың қадірін біле бермейміз. Аздап ауырсақ, өзіміз білетін дәрі-дәрмектерді ішіп жазылып кетуге тырысамыз. Дәрігерге бара қоймаймыз. Шын мәнінде кез келген аурудың алдын алуға болады.
Денсаулық сақтаудың алдын алуға болады. Ол үшін дұрыс тамақтануға, уақытында демалуға, дене қимылымен айналысуға көп көңіл бөлу қажет. Әсіресе жасы ұлғайған адамдарға майлы тамақтарды көп жеуге болмайды. Оның орнына сүт, көкөніс тамақтарын пайдаланған дүрыс. Денсаулық сақтауда дұрыс тамақтанудың маңызы зор.
Ал спортпен айналысу денсаулықты жақсартады. Спорттың ең қарапайым түрі — жүгіру. Күн сайын таңертең үйдің маңайында, саябақта жарты сағаттай жүгіруге болады. Егер жүгіруге дәрігер рұқсат етпесе, таңғы таза ауада серуендеуге болады. Әр түрлі жаттығулар жасауға болады.

Тақырыбы:
Жоспар
1. _________________________
2. _________________________
3. _________________________

3-тапсырма. Жоспарға сүйеніп, диалог құрастырыңдар.