Мәтінмен таныс, сұрақты жауабымен сәйкестендір
Қазіргі Қазақстанның өсімдік жамылғысы
Қазіргі Қазақстанның өсімдік жамылғысы 6000-дай өсімдік түрлерінен тұрады. Басқа көрші елдермен салыстырғанда бұл онша көп емес. Оған Қазақстан жерінде шөлді, шөлейтті аймақтардың көптігі, топырақ пен климат әсер етеді.
Өсімдігі жағынан бай өлке Қазақстанның таулы аймақтары болып саналады. Тянь-Шаньның, Алтайдың, Жетісу Алатауының тау беткейлерінде қылқан жапырақты ормандар таралған. Оларда шыршалардан: майқарағай, балқарағай, самырсын түрлері өседі. Аласа таулы белдеулер теректі, қайыңды, жабайы ағашты, алма, өрікті ормандардан тұрады. Қазақстанда өсетін көпжылдық өсімдіктер кәдімгі емен 500 – 1000 кейде 2000 жыл, шырша 250 – 300, қарағай, самырсын қарағай 350 – 500, қайың 100 – 150 жыл тіршілік етеді. Шөлді аймақтарда сексеуіл, өзендер бойында жиде, тораңғы тоғайлары кездеседі. Батпақты жерде қамыс, қоға қалың өседі.
Қазақстанда өсімдік дүниесінің 303 түрі Қызыл кітапқа енген Бұл өсімдіктердің сақталуына мемлекеттік қорықтар қамқорлық жасайды. Өйткені шөп қоры мал жайылымы үшін бағалы, ал орман өндіріс үшін керекті материал болып саналады.
ZERO.KZ​