Ответ:

Қазіргі уақытта адамзаттың алдына қойылған міндеттері бұл - табиғатты қорғау . Табиғатты қорғау дегеніміз табиғат ресурстарын пайдалану барысында оның тиімді жолдарын іздеу, қайта жандандыру, бүліну, ластану жолдарынан сақтау және қорғауды жүзеге асыру.

Соңғы жылдары жер шарында барлық табиғат қорлары бұрын-соңды болмаған антропогендік өзгерістерге ұшырап отыр. Олардың ең бастысы - әлемдік климаттағы өзгерістер. Өнеркәсіп дамуына байланысты ауаға зиянды газдар , өзен , көл , теңіздерге зиянды қалдықтар ағып , дұрыс агротехникалық шаралар қолданбағандықтан топырақ құнарсызданып , шөлейіт аймақтарға айналуда. Алысқа бармай-ақ еліміздегі өнеркәсіп дамыған Балқаш, Өскемен , Жезқазған және т.б. қалалардағы экологиялық жағдайын айтуға болады. Жануарлар , жәндіктер , өсімдіктер , судағы тіршілік иелерінің бірінің саны қысқарып , бірінің жойылып бара жатқаны бар. Бұған мысал ретінде саны көбеймей жатқан ақбөкен (киік), орынсыз шабылып жатқан сексеуіл ағаштарын , Каспий теңізінің бекіре тұқымдас балықтарын келтіруге болады.