дам 20 балов срочно помогите!!!
Оқылым
Мәтінді мұқият оқып, оқылым тапсырмаларын орындаңыз.
Бір адам он жасар баласын ертіп,егіннен жаяу келе жатса, жолда қалған аттың бір тағысын көріп баласына айтты:
- Анау тағаны,балам, ала жүр, - деп.
Бала әкесіне:
- Сынып қалған ескі тағаны алып неғылайын,-деді.
Әкесі үндемеді, тағаны өзі иіліп алды да,жүре берді. Қаланың шетінде темірші ұсталар бар екен, соған жеткен соң әкесі қайырылып, манағы тағаны соларға үш тиынға сатты. Одан біраз жер өткен соң шие сатып отырғандардан ол үш тиынға бірталай шие сатып алды. Сонымен, шиені орамалына түйіп,шетінен өзі бірем-бірем алып жеп,баласына қарамай аяңдап жүре берді. Біраз жер өткен соң, әкесінің қолынан бір шие жерге түседі. Артында келе жатқан бала да тым-ақ қызығып келеді екен, жерге түскен шиені жалма-жан жерден алып аузына салды. Бітегенеден соң және бір шие, онан біраз өткен соң және бір шие, сонымен әр жерде бір әкесінің қолынан түскен шиені он шақты рет иіліп, жерден алып жеді. Ең соңында әкесі тоқтап тұрып, баласына шиені орамалымен беріп тұрып айтты.
Көрдің бе, ана тағаны жамансынып жерден бір ғана иіліп көтеріп алуға еріндің, енді сол тағаға алған шиенің жерге түскенін аламын деп бір еңкеюдің орнына он еңкейдің. Мұнан былай есіңде болсын: аз жұмысты қиынсысаң-көп жұмысқа тап боласың,азға қанағат ете білмесең-көптен де құры қаласың,-деді.
(193 сөз)

Төмендегі сұраққа мәтіндегі мәліметтерге сүйеніп,жауап беріңіз
1. Шығарманың идеясын табыңыз
А) әкені құрметтеу
В) отанды сүю
С) еңбекке баулу
Д) туғандарын сыйлау

2. Мәтіндегі әкесінің іс-әрекетін талдап жазыңыз.


3.Мәтіндегі баланың іс-әрекетінің дұрыс/бұрысын бір сөйлеммен
жазыңыз.

4. Әкесінің жасаған амалын қолдау/қолдамау себептерін бір сөйлеммен
жазыңыз.

5. Баланың орнында болсаңыз сіз не істер едіңіз? Ойыңызды екі сөйлеммен
жазыңыз.