текст:Жанақ ақын жырлаған « Қозы Көрпеш Баян сұлу » жырына Пікір « Қозы Көрпеш - Баян сұлу » жырының 16 нұсқасының ішінде ең көлемді , әрі көркем әрі ең ескі түрінің бірі – Жанақ ақын нұсқасы Шоқан Уәлиханов орыс тіліне аударған бұл жырды Жанақ ақын XIX ғасырдың 40 жылдарына дейін жырлап , бірнеше нұсқа қалдырған . Жырдың өн бойынан автордың суырыпсалма ақындығы , еңбекқорлығы , ізденімпаздығы көрінеді . Жыр жарыспалы композициялы құрылымда жазылған . Екі байдың тұрмыс - тіршілігін алма - кезек жарыстыра сипаттап отырып , оқиғаны өрбітеді . Қаншама малы бар бай болғанмен , үстіне шапан алып кимейтін Қарабайдың дүниеге тойымсыздығы , сараңдығы мен Сарыбайдың мейірімділігі , жомарттығы сюжетте бір - біріне қарсы қойыла суреттеледі . Алғашында автор Қарабайдың қараниеттілігінен Сарыбайды құрбан етсе де , соңынан әділдікті , мейірім мен сүйіспеншілікті ту еткен Қозы мен Баянды армандарына жеткізеді . Баянның сұлулығын ақылдылығын , Қозының алтын айдарлы , нұр жүзін « оның нұрынан қараңғы даланың жарық болғанын » жырға қосады . Оқиғаның шешіміне келгенде , Қозының кегін алған Баянды ғашығының жанына барып жан тапсыруының өзі – автордың қалауынан туындаған детальді көрініс . 11 буынды , 3 бунақты , 4 тармақты , қара өлең ұйқасында жазылған жыр арқылы ел өмірінен хабар беретін естірту , жоқтау , сүйінші сұрау , қоштасу т.б. салт - дәстүрлер де көрініс тапқан . Бұдан автордың ұлтжанды , бүгінмен емес , ертеңмен өмір сүретін адам екендігін байқауға болады . Жырдың көркемдік ерекшелігі , сюжеттік желісі арқылы ұлттық құндылықтарды насихаттап , ерекше құра білуі – туындының өміршеңділігінің басты белгісі . Әдебиеттанушы : Ж. Ж. Садықов.
​