I. ОҚЫЛЫМ. Мәтінді түсініп оқы. Мәтінге тақырып қой.
Ән – халықтың мұрасы. Ән – өнер. Ән – адамның көңіл күйі, қуанышы, сезімі. Менің ұлтым орыс. Маған қазақ әндері ұнайды. Менің анам қазақша әндерді жақсы айтады. Мен де анаммен қосылып ән айтамын. Мен «Атамекен» әнін жақсы көремін. Ол – патриоттық ән. «Атамекен» - туған жерге арналған ән. Бұл ән 1970 жылы жазылған. «Атамекен» әнін Қазақстан Республикасының Халық әртісі Ескендір Хасанғалиев орындайды. Ескендір Хасанғалиев шетелде жүрген кезінде Қазақстанды сағынады. Атамекен туралы ән жазады. Әннің сөзін ақын Қадыр Мырза – Әлі жазған.
«Атамекен» әнін халық жақсы көреді. Бұл әнді Ескендір Хасанғалиев айтқан кезде халық орнынан тұрып бірге айтады.
1970 жылы Ескендір Хасанғалиев Швеция елінде осы әнді айтады. Стокгольм қаласының адамдары «Атамекен» әнін айтқан. Ескендір Хасанғалиевке үлкен қошемет көрсетеді. Қазіргі кезге дейін бұл әнді бәрі айтады.
«Атамекен» - Қазақстан халқы сүйіп тыңдайтын ән. Өйткені Қазақстан – бәріміздің ортақ атамекеніміз.