Напишите отзыв по стиху на белорусском



Ёсць матчына любоў. Яе не зблытай З ніякай, бо няма нідзе такой - Пяшчотнай, бескарыслівай, адкрытай. Шчаслiвы ты, пакуль яна з табой.

Ёсць матчына любоў. Яна будзіла На золку, каб радоўку не праспаць. I невядома мне, якая сла Магла з пасцелі цёплай падымаць.

Ёсць матчына любоў. 3 ёй забываеш I крыўду, і бяду, і гузакі. Яе цяпло да скону адчуваеш, Як дотык добрай ласкавай рукі.

Ёсць матчына любоў. Яна спрадвеку Была, як спадарожніца жыцця. Ці прыгажун ты будзеш, цi калека - Ты для яе - любімае дзіця.

Ёсць матчына любоў. Ты ёй аддзячыш. Яна табе душу усю аддае. З дзявочаю, мужчынскай і дзіцячай Нiколi ты не зблытаеш яе.

Ёсць матчына любоў. Яна нам свеціць I ў блізкай, і ў далёкай старане. I колькi б я нi жыў на гэтым свеце, Любі адною-матчынай! - мяне.​